Sanman bizi ki şîre-i engûr ile mestüz
Biz ehl-i harâbâtdanuz mest-i Elest’üz
Ter-dâmen olanlar bizi âlûde sanur lîk
Biz mâil-i bûs-i leb-i câm ü kef-i destüz
Sadrın gözedüb neyleyelim bezm-i cihanın
Pâ-yi hum-i meydir yirimüz bâde-perestüz
Mâil değilüz kimsenin âzârına ammâ
Hâtır-şiken-i zâhid-i peymâne-şikestüz
Erbâb-i garez bizden ırağ olduğu yeğdir
Düşmez yere zira okumuz sâhib-i şestüz
Bu âlem-i fânîde ne mîr ü ne gedâyuz
A'lâlara a’lâlanuruz pest ile pestüz
Hem-kâse-i erbâb-ı dilüz arbedemiz yok
Mey-hânedeyüz gerçi velî ışk ile mestüz
Biz mest-i mey-i mey-kede-i âlem-i cânuz
Ser-halka-i cem'iyyet-i peymâne-keşânuz
Mef’ûlü mefâ’îlü mefâ’îlü fa’ûlün
Fotoğraf Alvarlı Efe Hz.lerinin Halifeleri Kadiri Meşayıhından Seyyid Abdurrahman Öksüz Konevi Hz.lerine aittir.
Hiç yorum yok:
Yorum Gönder
Not: Yalnızca bu blogun üyesi yorum gönderebilir.